العيشه مع كفار قريش

ساعات من كتر الهم والضيق ، اتخيل نفسى عايش فى زمن اخر ، مره فى زمن الصحابه رضى الله عنهم ، ومره ارجع شويه واعيش مع الفراعنه ، واوقات اتخيل نفسى موجود ايام الحمله الفرنسيه ، لكن الغريب ان عمرى ما لاقيت نفسى اتعس ولا اشقى من الايام دى ، لدرجه انى فكرت مره اعيش مع كفار قريش ، وقولت يمكن الاقى زمن اغبر من اللى احنا عايشينه ، لكن للاسف وجدت العيشه مع كفار قريش افضل من العيشه اللى احنا عايشينها .
يعنى عمرى مثلا ما كنت راكب جمل وطلعلى ابو لهب يقولى انت مش متحزم ليه ؟
ولا حتى فى يوم صحيت لاقيت ابو جهل واقف على دماغى وبيقولى فين ايجار الخيمه المتاخر ؟
ناس كانت فى حالها ، طول مانت ما بتتعداش عليهم ، عمرهم مايزعلوك ، ناس شبعانه عمرهم ما يبصوا للقمه اللى فى ايدك .
لا وبيقولوا عليهم كفره !!!
امال دول يبقوا ايه ؟