سموره شاب فى منتصف العشرينات
نشأ فى اسره فقيره تعيش على الفتات
فشق طريقه فى وسط تجار المخدرات
واصبح له فى البانجو صولات وجولات
ولما ذاع صيته واصبح من العلامات
اراد الامن ان يضع حدا لتلك المهاترات
فارسل ظابطا ومعه المخبرين بالكلابشات
حاصروا المنطقه وحوطوا كل العمارات
وانتظر الجميع سقوط سموره ولكن هيهات
لقد خرج عليهم بسلاحه الالى يطلق الرصاصات
فتفرقت القوه وفر الظابط والمخبرين فى لحظات
وعاد الهدوء واحتفل سموره بتوزيع الشيكولاتات
ليست من الف ليله وليله ولا من كتب الحكايات
انما من واقع سيطر عليه المجرمون وتجار المخدرات
المشاركات
هناك ٥ تعليقات:
ياعم هو الامن فاضي لبتوع المخدرات
هو بس فاضي لاصحاب الدقونات
وكمان شغالين في اخذ الاتاوات
وما حدش مرتاح في البلد دي الا ؟؟؟؟ الاموات
للاسف البلد بقت مليانة من الاشكال دى بس سمورة ده استفحل اوى و اديك كل يوم تسمع عن المخدرات اللى بتتباع علنى و على الموتسيكلات.. و كله كوم و الولاد بتوع الموتسكلات دول كوم تانى يا جماعة حد يلحقنا من الاجرام ده حراااام و الله
اظن ان احنا كنا هبل لدرجة ان احنا انشغلنا بواحد متخلف زى ده و محدش فكر حتى انه يقول حاجة لما نظيف كان فى بورسعيد شكلنا مستريحين و مفيش غلاء و لا حاجة و الظاهر انى عايش فى بلد تانية لوحدى
و سلملى على سمورة
طيب واحنا هنقول ايه لنظيف يا اخ محمد
ولو احنا قدرنا نوصله ونقوله اللى احنا عايزينه
تفتكر ان الكلام معاه هيجيب نتيجه ؟
والا حضرتك فاكر انه جاى من كوكب تانى ومش عارف الحاله الهباب اللى وصلنالها بفضل جهوده وجهود اصحاب الفكر الجديد امثاله
اقرأ الموضوع فى المصرى اليوم
http://www.almasry-alyoum.com/article.aspx?ArticleID=80352
تاريخ النشر
23/10/2007
إرسال تعليق